ហេតុអ្វីឆាប់អន់ចិត្ត?

 

មនុស្សមានចិត្ត មានវិញ្ញាណ មានអារម្មណ៍រំភើប អារម្មណ៍មួហ្មងជារឿងធម្មតា ។ បរិដ្ឋានជុំវិញ ជាកន្លែងធ្វើឲ្យយើងសប្បាយ ឲ្យយើងកើតទុក្ខ ។ បរិដ្ឋាន សំដៅដល់គ្រប់យ៉ាង ដែលនៅជិតុំវិញការរស់នៅរបស់យើង ហើយតែងមានទំនាក់ទំនងគ្នាជានិច្ច ជាមូលហេតុបង្កឲ្យមានការសប្បាយ និងកើតទុក្ខ ។

ពេលយើងភ្លេចខ្លួន បង្កឲ្យអារម្មណ៍ឆាប់ឆេវឆាវមកគ្របសង្កត់ចិត្ត នោះជាកំហុស ដែលបង្ហាញថា យើងឆាប់ទទួលយកពាក្យគេមកវិនិច្ឆ័យ ហើយដាក់បន្ទុកលើខ្លួនឯង ធ្វើឲ្យខ្លួនឯងរងទុក្ខ ចំណែកគេសប្បាយរីករាយ ។ ពេលខ្លះពាក្យសម្តីអ្នកដទៃ បើគ្មានប្រយោជន៍ គួរចាត់ជាសំឡេងគ្រាន់តែឆ្លងកាត់ត្រចៀកយើងហើយបាត់ទៅ ។

ពេលណាយើងធ្វើចិត្តរឹងមាំ ពាក្យគ្រោតគ្រាតបែបម៉េច ក៏នៅតែធម្មតា នោះយើងនឹងក្លាយជាមនុស្សមិនធម្មតា មានន័យថា មិនសម្តែងតាមទឹកមុខ ឲ្យគេសម្គាល់ថាយើងជាមនុស្សប្រភេទណាឡើយ ។

ចំណាំថា បើយើងឆោតគេច្រើនលេង យើងឆាប់ខឹងគេច្រើនចាក់ចុច យើងល្ងង់ ច្រើនចាញ់បោកគេ ៕

 By Thmey Share