គំនិតពិចារណា៖ ស្នេហាពិតពិបាករក

 

ស្នេហា

មនុស្ស​ច្រើន​ណាស់​នៅ​តែ​មាន​ចម្ងល់​ចំពោះ​សំណួរ​មួយ​នេះ​ តែ​តាម​ពិត​ទៅ​ស្នេហា​គ្មាន​អត្ថន័យ​ពិត​ប្រាកដ​នោះ​ទេ​ គឺ​វា​មាន​ន័យ​ទៅ​តាម​មនុស្ស​ជា​អ្នក​អោយ​និយម​ន័យ​ដល់​​វា​ផ្សេង​ៗ​គ្នា។​ វា​ប្រៀប​បាន​ទៅ​​​នឹង​​​ទឹក​ដែល​គេ​សួរ​ថា​តើ​ទឹក​មាន​រាង​ដូចម្ដេច?​ វា​ពិត​ណាស់​វា​គឺ​គ្មាន​ចម្លើយ​ពិត​ប្រាកដ​នោះ​ទេ​ គឺ​វា​ប្រែប្រួល​ទៅ​តាម​របស់​ដែលផ្ទុក​វា​នោះ​ឯង។​ ចំពោះ​ស្នេហា​ក៏​ដូចគ្នា​ វា​ត្រូវ​បាន​អោយ​និយមន័យ​ផ្សេងៗ​គ្នា​ទៅ​តាម​អ្នក​ដែល​មាន​បទ​ពិសោធន៍​​​ចំពោះ​រឿង​នេះ​ ​អាស្រ័យ​​ទៅ​តាម​អ្នក​​​ឲ្យ​និយមន័យ​ថា​​​ពួកគាត់​ជា​​ ​មនុស្ស​សាមញ្ញ​ ឬ​អ្នក​ប្រាជ្ញ​បណ្ឌិត។​

 

នេះជាសតវត្សទី21ជាកន្លែងដែលធ្វើឱ្យស្នេហាពិតមិនងាយនឹងរកបាន ៖

 

-ស្នេហាដើម្បីតែការរួមភេទងាយស្រួលរកណាស់ គ្រប់ទីកន្លែង ចំណែកស្នេហ៍ពិតពិបាករកដូចរាវរកម្ជុលក្នុងបាតសមុទ្រ។

-មនុស្សស្រីឥឡូវបាត់បង់ទូរស័ព្ទមានអារម្មណ៍ឈឺចាប់ជាងបាត់បង់ភាពបរិសុទ្ធទៅទៀត។

-អ្វីទៅទើបហៅថាទាន់សម័យ ប្រសិនបើអ្នកមិនចេះផឹក មិនចេះជក់អ្នកជាមនុស្សមិនចុះសង្គម មិនទាន់សម័យ។

-អ្នកមិនចេះបោកប្រាស់គេថា មិនចេះ មិនឆ្លាត មិនវាងវៃ។

-បន្ទប់ទឹក កន្លែងជុះអាចម៍ ក្លាយជាកន្លែងថតរូបដ៏ពេញនិយម។

-ប្រាសាទបុរាណជាកន្លែងដែលគេធ្វើការណាត់ជួបសាសងស្នេហាគ្នា ប្រហែលគេទៅរៀនម៉ោងប្រវត្តិ។

-ភាពស្មោះត្រង់ពិបាកធ្វើ ការគោរពបូជាហួសសម័យ និយាយភូតកុហកស្រួលដូចស៊ីបាយ។

-ស្ត្រីខ្លាចមានផ្ទៃពោះណាស់ តែមិនខ្លាចរោគឆ្លងតាមការរួមភេទទេ។

-ហៅPizza លឿនជាងឡានសង្គ្រោះបន្ទាន់ទៅទៀត។

-ភាគច្រើនគេឱ្យតម្លៃមនុស្សស្ថិតលើទ្រព្យសម្បត្តិ និងសម្ភារនិយមខាងក្រៅ។

-ស្រី ប្រុស ខ្លាចជីវិតរៀបការ តែចូលចិត្តរស់នៅជាមួយគ្នាដូចប្តីប្រពន្ធ ដេក នៅជាមួយគ្នាលែងគិតប្រពៃណី។

-អ្នកដែលយកអារម្មណ៍អ្នកដទៃមកលេងសើច តែងទទួលបានសុភមង្គល អ្នកដើរតាមបេះដូង និងស្មោះត្រង់ តែងតែទទួលការឈឺចាប់។

នេះជាសង្គមក្នុងសតវត្សទី21

ស្រាវជា្រវនិងរក្សាសិទ្ធិដោយ THMEY SHARE