គំនិត ( ន. ) ការគិត, យោបល់ : គំនិតល្អ, គំនិតអាក្រក់, គំនិតស្តាំ, គំនិតឆ្វេង ។ ទាល់គំនិត គឺទាល់ផ្លូវគិត, អស់ផ្លូវគិត ។ ព. ទ. បុ. ប្រាំបួនទាល់ ដប់ទាល់ កុំឲ្យតែទាល់គំនិត ។
- (សតិ) ការយល់ឃើញ ការគិត ឬរូបភាពនៅក្នុងសតិ (mind) របស់មនុស្ស ឧ. តើអ្នកមានគំនិតថាគាត់មានរូបរាងដូចម្ដេច?
- សំណើឬផែនការសម្រាប់ធ្វើអ្វីមួយ ឧ. ខ្ញុំមានគំនិតបន្តការសិក្សានៅបរទេស។
- ជំនឿ ឬ ទស្សនៈ ឧ. យើងមានគំនិតខុសគ្នាស្រឡះអំពីការដាក់ពិន័យចំពោះកុមារ។
- បំណងឬហេតុផលក្នុងការធ្វើអ្វីមួយ, ឧ. គំនិតរួមនៃការផ្សាយពាណិជ្ជកម្ម គឺធ្វើឱ្យមនុស្សទិញផលិតផលឬសេវា។ idea, idée
ដើម្បីដោះស្រាយបញ្ហា បង្កើតនូវភាពជោគជ័យសម្រាប់ជីវិត មនុស្សគួរតែមានគំនិតឲ្យប្រើប្រាស់ច្រើន ពីព្រោះគំនិតនឹងធ្វើអ្នកទៅរកសកម្មភាព ហើយសកម្មភាពនឹងនាំអ្នកទៅរកគោលដៅ។ ប៉ុន្តែគេសង្កេតឃើញថា មនុស្សខ្លះសម្បូរគំនិត ឯអ្នកខ្លះវាមិនសូវមានគំនិត ហើយអ្នកខ្លះវិញ គឺគ្មានគំនិតតែម្តង។ ដឹងហើយថាមានគំនិតច្រើនវាល្អ ប៉ុន្តែតើត្រូវធ្វើដូចម្តេច ដើម្បីបង្កើតគំនិតថ្មីៗ ហើយល្អៗនោះ? ខាងក្រោម គឺជាវិធីសាស្រ្តសាមញ្ញ បង្កើតអាចធ្វើឲ្យអ្នកក្លាយជាមនុស្សមានគំនិតចច្រើន៖
១. ការសង្កេត
ដំបូងដើម្បីមានគំនិតច្រើន អ្នកត្រូវតែជាមនុស្សពូកែសង្កេត និងចេះឆ្ងល់។ ចូរដើរឲ្យបានច្រើន ហើយសង្កេតឲ្យច្រើនបំផុត ថែមទាំងចេះសួរខ្លួនឯងថា “ហេតុអ្វី” បានរឿងទាំងនោះកើតឡើង? អ្នកអាចស្វែងយល់ជុំវិញ អ្វីដែលអ្នកបានឃើញនោះ។ បើគ្រាន់តែធ្វើដំណើរ ទៅកន្លែងណាមួយ ឬចូលរួមកម្មវិធីណាមួយរួចពេលចប់កម្មវិធី ឬដំណើរកំសាន្តនោះ ក៏ចប់ទៅ ដោយគ្មានបានគំនិតអ្វីសោះ គឺជារឿងសោកស្តាយបំផុត។
២. បង្កើនទំនាក់ទំនងជាមួយសង្គមខាងក្រៅ
“មនុស្សម្នាក់ គំនិតមួយ” គឺជាគោលការណ៍គ្រឹះនៃការបង្កើតគំនិតថ្មី។ មានគំនិតល្អៗអស្ចារ្យជាច្រើន ដែលមាននៅក្នុងខ្លួនរបស់មនុស្សម្នាក់ៗ ដែលយើងអាចទទួលបានពីពួកគេ។ ជួបមនុស្សឲ្យបានច្រើន ជជែកលេង ពិភាក្សាជាមួយរឿងរ៉ាវរបស់ពួកគេ។ ជជែកជាមួយអ្នកនេសាទ អ្នកនឹងទទួលបានគំនិតជាច្រើនពាក់ព័ន្ធនឹងការនេសាទ ដូចគ្នានឹងជជែកជាមួយបណ្ឌិតទទួលបានគំនិតផងដែរ។
៣. អានសៀវភៅ
សកម្មភាពដ៏អស្ចារ្យ ដែលមនុស្សអស្ចារ្យតែងតែធ្វើ គឺអានសៀវភៅ។ សៀវភៅត្រូវបានរៀបចំឡើងដោយគំនិត ដែលកើតឡើងពីការសិក្សាស្រាវជ្រាវ បទពិសោធន៍ជីវិត និងប្រភពជាច្រើនទៀត។ ដោយសារវាផ្ទុកដោយគំនិតដែលត្រូវបានចម្រាញ់ជាស្រេច ដូចនេះពេលអ្នកអានសៀវភៅ អ្នកក៏នឹងទទួលបានគំនិតថ្មីៗជាច្រើនដែរ។ មានសៀវភៅរាប់ពាន់ប្រភេទ ហើយវាក៏ផ្ទុកនូវគំនិតរាប់ពាន់ដែរ។
៤. អ៊ិនធឺណែត និងបណ្តាញសង្គម
មិនអាចរំលងមធ្យោបាយនេះបានទេ ក្នុងសទវត្សរ៍ទី២១នេះ។ យើងអាចទទួលបានគំនិតយ៉ាងច្រើន ដោយគ្រាន់តែវាយសួរទៅក្នុង Google ហើយវានឹងប្រាប់អ្នកជាមួយចម្លើយជាច្រើនពីបណ្តាគេហទំព័រផ្សេងៗ។ បណ្តាញសង្គមដូចជា ហ្វេសប៊ុក ក៏បង្គាប់នូវគំនិតថ្មីៗជាច្រើន ត្បិតអីមនុស្សរាប់ពាន់លាននាក់ក្នុងលោកីកំពុងប្រើប្រាស់បណ្តាញជាសង្គមយក្សមួយនេះ។
៥. ការកត់ត្រាជាប្រចាំ
ក្រដាស ឬសៀវភៅ ប៊ិច ឬខ្មៅដៃ ត្រូវមានជាប់ខ្លួនជានិច្ច។ មានគំនិតជាច្រើនត្រូវបានលេចចេញ ដូចនេះយើងត្រូវកត់ត្រាវាទុកកុំឲ្យវាបាត់បង់។ វាគឺជាការស្តោយក្រោយ ពេលដែលគំនិតចេញមកហើយ តែត្រូវបានរលាយបាត់ទៅវិញដោយការធ្វេសប្រហែសមិនបានកត់ត្រាទុក។ កត់ត្រាទុក រួចគិតពិចារណា ឬពិភាក្សា ហើយដាក់ចេញជាសកម្មភាព។
៦. ធ្វើវិប្បសនា
សកម្មភាពដ៏ប្រពៃនេះ មិនមែនត្រឹមតែធ្វើឲ្យមានចិត្តស្ងប់ល្អប៉ុណ្ណោះទេ វាថែមទាំងជួយឲ្យយើងមានគំនិតថ្មីៗជាច្រើនផងដែរ។ នៅពេលដែលអារម្មណ៍ស្ងប់ស្ងាត់នោះឯង ដែលធ្វើឲ្យខួរក្បាលយើងធ្វើការបានយ៉ាងល្អ។ វាជួយធ្វើឲ្យចិត្តរបស់យើងជ្រះស្រឡះ និងឃ្លាតចេញពីភាពតប់ប្រមល់ ហើយធ្វើឲ្យយើងសម្លឹងគិតបានវែងឆ្ងាយទៅអនាគត ហើយគំនិតថ្មីៗ នឹងកើតឡើងក្នុងពេលនោះ។
៧. ការហាត់ប្រាណជាប្រចាំ
ហាត់ប្រាណជាប្រចាំ ធ្វើឲ្យយើងមានគំនិតថ្មី? ពេលយើងធ្វើចលនាតាមរយៈការហាត់ប្រាណ នឹងធ្វើឲ្យខួរក្បាលរបស់យើងធ្វើការដោយមានការផ្តោតអារម្មណ៍ខ្លាំងបំផុត។ សាស្ត្រាចារ្យមួយរូប គឺលោកបណ្ឌិត McCormick ធ្លាប់បានបង្ហាញបទពិសោធន៍របស់លោកថា៖ លោកចំណាយពេលហាត់ប្រាណតែ១០នាទី លោកមានគំនិតរហូតដល់ ៤២ លេចឡើង។
សរុបមក អ្វីដែលបានរៀបរាប់ខាងលើនេះ ទាមទារឲ្យលោកអ្នកមានការប្តេជ្ញាចិត្តខ្ពស់ ជាមួយពេលវេលា និងថាមពល ប៉ុន្តែទាំងអស់នោះសុទ្ធតែធ្វើឲ្យអ្នកមានគំនិតល្អៗ។ ការសង្កេត ទំនាក់ទំនងសង្គម អានសៀវភៅ អ៊ិនធឺណែត ការកត់ត្រា ការធ្វើវិប្បសនា និងការហាត់ប្រាណ គឺជាសកម្មភាពប្រចាំថ្ងៃ ដែលយើងសុទ្ធតែអាចធ្វើបាន។
ចំណុចទាំង ២០ ដែលអ្នកអាចចៀងវាងភាពនឿយហត់នឹងការងារបាន
យើងទាំងអស់គ្នា បានខិតខំប្រឹងប្រែងធ្វើការអស់ពីសមត្ថភាពខ្លាំងមែនទែន។ ទោះជាយ៉ាងនេះក្ដី យើងទាំងអស់គ្នាភាគច្រើន បានធ្វើការលើសម៉ោង ដូចជាធ្វើការរហូតដល់ពាក់កណ្ដាលអាធាត្រ ទទួលយកកាលបរិច្ឆេទផុតកំណត់ដ៏លំបាកមួយ ឬធ្វើការនៅថ្ងៃចុងសប្ដាហ៍ជាដើម។ ការងារទាំងនេះ កើតចេញពីការចំណាយសុខភាពផ្ទាល់ខ្លួនរបស់យើង ហើយនៅទីបញ្ចប់ អាចនាំដល់ការអស់ថាមពលពីខ្លួនតែម្ដង។
“ការអស់ថាមពលពីខ្លួន” គឺជាភាសាទូទៅមួយនៅក្នុងបរិយាយការងារ ប៉ុន្តែវាមានន័យលើសពីអារម្មណ៍នឿយហត់ទៅទៀត។ លោក Mayo Clinic បានពណ៌នាពាក្យនេះថាជា “ស្ថានភាពល្ហិតល្ហៃផ្នែករាង្គកាយ ឬខួរក្បាល រួមបញ្ចូលទាំងការសង្ស័យអំពី សតម្ថភាពបំពេញការងារ និងតម្លៃនៃការងាររបស់អ្នក។” ប្រសិនបើអ្នកបណ្ដែតបណ្ដោយឲ្យវាកើតឡើងដោយគ្មានការត្រួតពិនិត្យ ការអស់ថាមពលពីខ្លួន អាចបំផ្លាញដល់សុខភាពទាំងស្រុងរបស់អ្នក បំផ្លាញសុភមង្គល ទំនាក់ទំនង និងសមត្ថភាពបំពេញការងាររបស់អ្នក។
ជាការពិតណាស់ភាពអស់កម្លាំងពីការងារ គឺឧបសគ្គមួយរារាំងមិនឲ្យអ្នកសម្រេចបាននូវភាពជោគជ័យក្នុងអាជីពរបស់អ្នក។ វាពិតជាអាចចៀសវាងបាន ប្រសិនបើអ្នកដឹងអំពីទម្លាប់មិនល្អផ្សេងៗ ដែលអ្នកធ្វើការភាគច្រើនជួបបញ្ហានឿយណាយ និងដោយសារភាពអស់កម្លាំងនឹងការងារ។ ខាងក្រោមនេះ គឺជាចំណុចទាំង ២០ ដែលអ្នកអាចចៀងវាងភាពនឿយហត់នឹងការងារបាន៖
១. លើកទឹកចិត្តខ្លួនឯងថាការងាររបស់អ្នកពិតជាបានធូរស្រាលហើយ
សញ្ញាដំបូងនៃការនឿយហត់កើតមាននៅពេល គ្រួរសារឫក៏មិត្តភក្តិសួរពីការងារ មិនថាវាជារឿងថ្មី ឫក៏រឿងចាស់នោះទេ អ្នកហាក់បីដូចជាមានអារម្មណ៍ថាធូរស្រាល (fine)។
២. គិតដល់រឿងអ្វីៗដែលសប្បាយៗ
ផ្លាស់ប្តួរការងារដើម្បីទទួលបានបានប្រាក់ខែច្រើនជាងមុន មានពេលវេលាប្រសើរជាងមុន ប៉ុន្តែជួនកាលការគិតរឿងល្អៗច្រើនពេកក៏ធ្វើឲ្យអ្នកបាត់បង់ពេលវេលាផងដែរ។
៣. កត់ចំណាំមិត្តរួមការងារដែលនៅជុំវិញខ្លួនអ្នក ដែលមានភាពច្បាស់លាស់
ប្រសិនបើអ្នកកត់សម្គាល់ឃើញថា មិត្តរួមការងាររបស់អ្នកកំពុងតែប្រថុយប្រថាននៅក្បែរខ្លួនអ្នក វាជាសញ្ញាមួយដ៏ច្បាស់លាស់ថា អ្នកជាមនុស្សដែលពិបាកក្នុងការធ្វើការងារជាមួយ។
៤. កុំមានអារម្មណ៍ថាចុះចាញ់ឲ្យសោះ
ភាពនឿយហត់ពីការងារវាជារឿងធម្មតា ក៏ប៉ុន្តែហាមមានភាពស្មុកស្មាញឲ្យសោះ វាមានវិធីសាមញ្ញមួយចំនួនដែលអាចជួយអ្នកបាន។
៥. ត្រូវមានជំនឿលើខ្លួនឯង
នៅពេលដែលអ្នកមានអារម្មណ៍បាត់បង់ចំណាប់អារម្មណ៍លើក្រុមហ៊ុនមួយ ហើយឈប់ខ្វល់ពីការជួយ ជ្រោមជ្រែងអ្នកនឹងក្លាយជាមនុស្សបោកប្រាស់។
៦. ដាក់ម៉ោងរោទិ៍មុនពេលកំណត់ដែលអ្នកអាចចុចឲ្យវារោទិ៍ច្រើនដងបាន
សញ្ញាដែលបង្ហាញពីភាពនឿយហត់ក្នុងការងារអាចចាប់ផ្តើមនៅពេលព្រឹកព្រលឹម។ ឧទាហរណ៍៖ ប្រសិនបើអ្នកនឿយហត់ខ្លាំង អ្នកអាចចុចម៉ោងរោទិ៍ម្តងហើយម្តងទៀត អ្នកនឹងមានអារម្មណ៍ថាស្រោះស្រាយបន្ទាប់មកអ្នកនឹងអាចក្រោកបាន។
៧. គេងគេងឲ្យបានទៀងទាត់
ជាទូទៅមនុស្សភាគច្រើនស្មុកស្មាញជាមួយនឹងការងារ ហើយបង្ករឲ្យគេងមិនលក់ដោយសារគិតពីការងារច្រើនពេក។
៨. មានអារម្មណ៍ថាធុញទ្រាន់បន្ទាប់ពីថ្ងៃចុងសប្តាហ៍
អ្នកដឹងថាអ្នកពិតជាមានភាពស្មុកស្មាញ ពេលដែលអ្នកមានអារម្មណ៍ថាថ្ងៃចុងសបា្តស៍បានកន្លងផុតទៅ។
៩. ជារឿយៗអ្នកគួរតែសួរពីអារម្មណ៍ខ្លួនឯង
តើអ្នករួមការងារតែងតែពិគ្រោះយោបល់ព្រោះពួកគេបារម្មណ៍ថាអ្នកមានភាពរាំងស្ទះឬក៏ការរាថយ? នេះជាសញ្ញាណមួយដែលអ្នកដទៃតែងតែបារម្មណ៍និងជួយជ្រោមជ្រែងអ្នក ។
១០. កុំចំណាយពេលច្រើនពេកជាមួយមិត្តរួមការងារ
ភាពនឿយណាយ បុគ្គលិកហាក់បីដូចជាឃ្លាតឆ្ងាយពី ព្រឹត្តិការណ៍ផ្សេងៗទោះបីជាពេលវេលាសប្បាយរីករាយក៏ដោយ ព្រោះពួកគេបាត់បង់អារម្មណ៍ចំពោះការបង្កើតមិត្តភាព។
១១. ហាមរករឿងដៃគូររបស់អ្នក
វាគ្មានអ្វីត្រូវឆ្ងល់ទេថា ការខឹងសម្បាអាចជួយអ្វីបាននោះ ប៉ុន្តែជារឿយៗបញ្ញាដែលកើតមាននៅកន្លែងធ្វើការងាររបស់អ្នក អាចក្លាយជាបញ្ហាធំចំពោះមិត្តស្និទ្ធស្នាលរបស់អ្នក។
១២. មិនគោរពមិត្តរួមការងារ និងអតិថិជន
ប្រសិនបើអ្នកមានគម្រោងឈប់ ឫក៏នឿយណាយក្នុងការទំនាក់ទំនងជាមួយមនុស្សដដែលៗជារៀងរាល់ថ្ងៃ វាអាចឆ្លុះបញ្ចាំងថាតើអ្នកចាត់ទុកមិត្តរួមការងារយ៉ាងណា។
១៣. មិនគួររស់នៅដូចជាព្រាយបីសាច
ត្រឡប់មកផ្ទះវិញមុនថ្ងៃរះ និងចាកចេញមុនថ្ងៃលិចពិតជាមានការស្មុកស្មាញណាស់។ ប្រសិនបើអ្នកបង្ខំធ្វើការនៅម៉ោងនេះ អ្នកនឹងធ្វើឲ្យបញ្ហាកាន់តែធ្ងន់ធ្ងរទៅៗ។
១៤. មានអារម្មណ៍ថានឿយណាយជារៀងរាល់ថ្ងៃច័ន្ទ
វាហាក់បីដូចជាយើងទន្ទឹងរងចាំយប់ថ្ងៃសុក្រដែរ អ្នកនឹងមានភាពនឿយណាយរហូតដល់ថ្ងៃច័ន្ទ នេះក៏ជាសញ្ញាមួយបង្ហាញថាអ្នកនឿយហត់ផងដែរ។
១៥. មិនចង់ពន្យល់ការងាររបស់អ្នកទៅមនុស្សដ៏ទៃទៀត
តើអ្នកធ្វើយ៉ាងណាចំពោះការរស់នៅ? វាជាសំនួរដ៏សាមញ្ញមួយ នៅឯពិធីផ្សេងៗ ប៉ុន្តែវាបានក្លាយទៅជាការរំខានចំពោះអ្នកដ៏ទៃដែលមានបញ្ញាជាមួយនឹងការងាររបស់ពួកគេ។
១៦. បំភ្លេចភាពជោគជ័យដែលទទួលបានពីការងាររបស់អ្នក
កុំបំភ្លេចអ្វីដែលអ្នកពេញចិត្ត និងទទួលបានជោគជ័យពីការងារ ព្រោះវាជាសញ្ញាថាអាចកាត់បន្ថយភាពនឿយហត់ពីការងារបាន។
១៧. កុំភ័យក្លាចក្នុងការស្វែងរកការងារថ្មី
ថ្វីបើអ្នកដឹងថា វាជាពេលវេលាមួយដ៏ល្អក្នុងការស្វែងរកការងារថ្មីក៏ដោយ ប្រសិនបើអ្នកមានភាពស្មុក ស្មាញខ្លាំងវាមិនមែនជាឲកាសល្អសម្រាប់អ្នកស្វែងរកការងារថ្មីនោះទេ។
១៨. កុំព្យាយាមគិតថាខ្លួនឯងរវល់ច្រើន
កង្វះខាតការធ្វើដំណើរឆ្ពោះទៅមុខ ឫក៏មានអារម្មណ៍ថាអ្នកមានការជាប់គាំង វាហាក់បីដូចជាសញ្ញាមួយដែលថា វាគឺជាការងារថ្មី។
១៩. ត្រូវរំងាប់អារម្មណ៍របស់អ្នកជានិច្ច
ភាពស្មុកស្មាញអាចបណ្តាលឲ្យអ្នកស្មុកស្មាញ ហ្យើអ្នកនឹងរករឿងមនុស្សនៅជុំវិញខ្លួនអ្នក។
២០. ព្យាយាមសំរាកបន្ទាប់ពីការងារ
ជាទូទៅកង្វះថាមពលបន្ទាប់ពីការងារក្នុងការបន្តការងារផ្សេងៗដូចជា ការចំអិនអាហារ ការធ្វើលំហាត់ប្រាណ ឬក៏ចំណាយពេលនៅជាមួយគ្រួរសាររបស់អ្នកមិនមែនជាសញ្ញាល្អនោះទេ។
0 Comments